Mikee Quintos, maraming creative activities ngayong quarantine
Around GMA
Around GMA
St. Luke's inhaler clinic opens to improve asthma, COPD patient care Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Nakakatulong daw sa pag-manage ng stress ni Mikee Quintos ngayong quarantine ang ilang creative activities tulad ng pagtugtog at pagguhit.
Aminado si Kapuso actress Mikee Quintos na tulad ng nakararami, nakakaramdan siya ng stress ngayong quarantine.
Isa raw ang pagkain sa mga paraan kung paano niya mina-manage ang kanyang stress.
"I eat. Hindi ko na kailangan i-explain 'yung 'I eat' 'di ba? Kasi feeling ko lahat naman nagse-stress eating," natatawang pahayag ni Mikee sa isang eksklusibong panayam ng GMANetwork.com.
"Depende sa mood ko, kung ano siguro 'yung pinaka nami-miss ko. 'Di naman mawawala 'yung love ko for coffee and coffee-flavored things," dagdag pa niya tungkol sa mga nahiligan niyang kainin ngayong quarantine.
Marami ring creative pursuits si Mikee para maibsan ang kanyang stress.
"I sing and play music. I jam to my favorite songs," bahagi niya.
Kamakailan, nag-post si Mikee ng kanyang maikling video sa kanyang Instagram kung saan mapapanood siyang tumutugtog ng gitara at inaawit ang kantang "Lost Stars" ni Maroon 5 frontman na si Adam Levine.
Bukod dito, mahilig din siyan gumuhit. Matatandaang isang architecture student si Mikee ngayon sa University of Sto. Tomas.
"I paint or I draw. I love painting and sketching," simple niyang pahayag.
Alamin ang iba pang stress relievers ni Mikee sa video na ito:
Marami pa ring ipinagpapasalamat si Mikee sa gitna ng COVID-19 pandemic.
Isa na rito ang oras na naibigay sa kanya para mag-reflect sa ilang bagay sa kanyang buhay.
Sa pagtatapos naman ng quarantine, nais ni Mikee na makapag-travel, lalo na sa bansang South Korea.
